DBHko ikasleak geletatik pasatu dira "Irrifuxatuak" Kanpainaren berri ematera. Oñatin HOTZ OÑATI taldeak koordinatu du eta errefuxatuak laguntzeko kanpaina da. Euro baten truke sudur gorri bat jasotzeko aukera dute ikasleek.
Azkenaldian hainbat esperimentu eta taldeko lan egin ditugu gelan. Airea eta bere ezaugarriak izan dira lanen ardatza. Denon artean hainbat esperimentu antolatu eta bideratu ditugu. Oso lan polita izan da. Hona hemen argazki batzuk.
Oso pozik gaude gure gelara 3 guraso etorri direlako, jadanik, euren jakintza eta esperientzia ezberdinak kontatzera. 
Adivina adivinanza... Lengua Castellanako joku entrtenigarri bat da. Erantzunak ere bertan aurkituko dituzu ondo irakurri eta inguruko marrazkiei begiratzen badiezu.
3. mailako ikasleok ere han izan ginen aurreko ostiralean. Argazki bikainez eta hormirudi deigarriz betetako erakusketa aurkitu genuen bertan. Natur eskolako arduradunek anfibioen inguruko bitxikeri, eta azalpen interesgarri ugari kontatu ziguten: zein mota dauden, non bizi diren, zer jaten duten, nola ugaltzen diren, nola kamuflatzen diren... Hain gustoko ditugun zapaburuak ere ontzi garden batean zeuden lasai lasai igerian gu haiei begira ginen bitartean... Ederki disfrutatu genuen arratsaldea!!!
Gaur martxoaren 8a da, emakumeen eskubideak aldarrikatzeko nazioarteko eguna, hain zuzen ere. Gure ikastolan hainbat ekintza ezberdin antolatu dira gaia jorratzeko eta gure arteko harremanetan gehiago sakontzeko: nola jolasten dugun, norekin, zertara, zertarako, berdintasuna zer den, errespetoa...
Horretarako gelan gaiaren inguruko hausnarketa bat egin dugu, eta Doraemonen "Neska mutilak aldatzeko lurrina" bideoa ikusi dugu. Makina bat komentario eta iritzi sortu du gai honek gelakoen artean. Gero, Ametsen zuhaitzean itsasteko gure mezuak idatzi ditugu.
